ÅRETS BESTE BØKER

Det er ingen tvil om kva rolle Skrivekunstakademiet speler som litterært kraftsentrum i Bergen og på Vestlandet, og i år er alle tilsette ved akademiet aktuelle med bøker. 

I dette arrangementet, som vi ublygt og ærleg har kalla ÅRETS BESTE BØKER, inviterer vi alle til å bli med og feire eit unikt år i SKA-samanheng. Det blir opplesingar og kanskje samtale, kanskje performance, kanskje sang og musikk – men ganske sikkert paljettar, glitter og stas.

Medverkande: Marita Algrøy, Pedro Carmona-Alvarez, Tormod Haugland, Morten Langeland, Sandra Lillebø, Sivert N. Nesbø,  Erlend O. Nødtvedt, Eli Fossdal Vaage, Gunnar Wærness og Gunnhild Øyehaug.